سلفر
عدد المساهمات : 22 2 تاريخ التسجيل : 29/06/2009
| موضوع: %الجريمة......%. الإثنين يونيو 29, 2009 11:55 am | |
| | يوم ثارت في جنون من جنون الجاهليه.. عااتبتني لين شبت في شراييني لهبها ..
استفزتني وفزت وازعلت مني عليه ... واستضاقت من كلامي يوم زعلني عتبها
من بعدها مابقى لي في محانيها بقيه.. اسدلت دمع المحاجر للبكى وارخت هدبها
والله اني مانويت ابدي معاها بالخطيهـ .. بس هي اللي تعدت حدها لحظة غضبها ..
يمكن اني كنت قاسي بالعتب معها شويا.. كثر ماكانت تمنى راحتي واعشق تعبها ..
والله اني كنت اكابر بالعتب في حسن نيه.. بس ابدري هو صحيح اني الوحيد اللي عجبها؟؟
جرحتني بالكلام وكبرت حيل القضيه.. واخسرت بي كل عرق(ن) من شراييني كسبها ..
والا هي ماكان فيها للموادع مقدريه.. والجفا كانت تعافه بس مدري وش قلبها ؟؟
ليتني مارحت اقايس قيمتي عند بدويه .. رجعت لي كل عرق(ن) حبها ولا نهبها.. ..
علمتني كيف بنجح وانتصر وابقى ضحيه.. وعلمتني كيف قلبي لو غلبها ما غلبها ..
وعلمتني يوم صدت عنفوان الاجوديه .. ماتلوح للمقفي لو سلبها ماسلبها ..
رابيه بين القبايل والعرب واهل الحميه.. عاقله ماتبذل الا نخلت(ن) تعرف رطبها
ان تهادت ذكرتني في خفوق العامريه.. وان تمادت تركب ابليس الرجيم وماركبها ..
جفنها لا سلهمت به مايطيق السامريه.. تسحبه برضاه عينه وان سهت عينه سحبها
وان حكت تعطي مكانه للحروف الابجديهـ .. كن كلمتها تلفت للكلام اللي عقبها ..
والحروف اليا تعدت بالشفاه النرجسيه.. كنها صارت قصيده بس ربي ماكتبها ..
وش بوصف من حلاها وش بخلي للبريه..؟؟ مابه بالحسن عيب(ن ) واكشفت الا حجبها
شعرها فيه الخوي اللي تبرى من خويه .. والشفى لو تشرب الما واختلط فيها شربها ..
كن في ضمة شفاها جمرتين بنار حيه.. كل من حس بدفاها واحترق صد وقربها
شفتها مثل الجريمة وابتليت ابها بليه.. غلطتن جيت اتحاشا ظلمها قلت: ارتكبها
كل شيء شفت فيها فيه نبرة جاذبيه.. موهبه من فضل ربي واشهد ان الله وهبها..
كلها لله بالله فاتنه هالادميه.. .. عاجبتني من بداية راسها لا اسفل كعبها ..
لو تبادلني شعوري والهديه بالهديه.. ماوفت لي لو تبيع ثيابها واغلى ذهبها..
هملتني والقلوب الجرهديه جرهديه.. واحرمتني والمحبه نارها تأكل حطبها
ولا انا ماكنت اكابر و الليالي سرمديهـ.. يمكن اللي غصبني للولع فيها غصبها
ياخفوقي ودي انك منت في حاجة وصيه.. شف مكاني وانت تدري وين هي يمت عربها
رح لها وان كان فيها قلب يطمح في المجيه.. شف طلبها في عروقه وان حصل تم طلبها
وانشده وان كان عنها من هدر دمي بريه.. قله ان اللي حصلي بالمحبه من سببها ..
ولو يقول اني تعمدت الزعل لجل الاذيه.. قله اني ماتحمل بالعتب قلة ادبها
ولو يقول اني انا اللي كنت بادي بالخطيه.. قل هيا اللي تعدت حدها لحظة غضبها |
| |
|
JlMôØõÐ
عدد المساهمات : 3 0 تاريخ التسجيل : 29/06/2009
| موضوع: رد: %الجريمة......%. الثلاثاء يونيو 30, 2009 9:52 pm | |
| نااااااااااااااااااايس وربي كلمات جدا رائعه وصادق
في كلامك تسلم حبيب قلبي ع الشعر
تحياتي لك تسلم | |
|
برودةمكه
عدد المساهمات : 27 0 تاريخ التسجيل : 09/12/2009 العمل/الترفيه : مشهد المزاج : عادي
| موضوع: رد: %الجريمة......%. الإثنين ديسمبر 14, 2009 4:57 pm | |
| | |
|