بسم الله الرحمن الرحيم
السلام عليكم ورحمة الله وبركاته
هذي القصيدة الثانية من السلسلة بعنوان:
( أهل أول )
أهل أول
يا فل
يا كادي
يا كٌمل
يا أهل الأدب والذوق
وعشت وبقيت ومجمل
يا أهل الطيبه والرقه
والهرج المتبتب الدقه
ورب البيت وحشتوني
من التاجر إلى السقا
وحشني حتى فَرْقنا
بهنداشتو وبكشه قماش
وعم شاكر في دكانو
بالفوطه وقميصو الشاش
وحشتني حلاوتو اللدو
والبركة إلي في يدو
وحشتني الكحله في عيونو
وحوا والصبي عبدو
وحشني كل ما فيكم
ياناس حتى أساميكم
ياليت ترجعلنا الأيام
وسلم على أياديكم
وشم ريحه الرضا فيها
وأشياء مأقدر أسميها
حاجة كدا ترد الروح
صعب أوصف معانيها
أهل أول
لسا المستكى في توبي
تفحفح ريحتو تهلي
وفي الشياله في كم قرش
تشخلل صوتها يسلي
وبنت اصباعها مدبك
بتلحس في قدر تطلي
وشيبه فارش المصنف
في وسط الليل بيصلي
وحجه في الزقاق بتدور
إنا تشيلو قماما
وإلي يصلح الدافور
عَمَال ينظف الماما
ومسند طرف في الدهليز
وكم ليانه ومنجد
وواحد شحط جالو النوم
على دكتنا متمدد
وهذا الأخ قال معزوم
ومسوي فيها متحشد
أهل أول
تعالوا شوفوا حالنا اليوم
لاعاد نعرف الموجب
ولا معنى كلام رجال
حتى العمه سبناها
لراعي السوبيا والفوال
سامحونا أهل أول
مع حبي وتقديري
وترقبوا الجديد!!!